Salaam Telangana

కరోనా కట్టడి కోసం విధించిన లాక్ డౌన్ కొనసాగుతోంది. ఏకంగా మూడుసార్లు లాక్ డౌన్ విధించినా కరోనా వ్యాప్తి తగ్గడం లేదు. తగ్గకపోగా.. తీవ్ర స్థాయిలో విజృంభిస్తోంది. పాజిటివ్ కేసులు రోజురోజుకు పెరుగుతూ 60 వేలకు చేరాయి. ఆదివారం వరకు పాజిటివ్ కేసులు దాదాపు 63 వేలకు చేరువయ్యాయి. పరిస్థితి ఇలాగే ఉంటే మే నెలాఖరు వరకు దాదాపు 2 లక్షల వరకు కేసులు చేరవచ్చని తెలుస్తోంది. దీంతో త్వరలోనే భారతదేశం కూడా స్పెయిన్ – ఇటలీ దేశాల సరసన నిలబడుతోంది. ఈ మేరకు కరోనా వ్యాప్తిపై ఐఐటీ- ఢిల్లీకి చెందిన పరిశోధన బృందం అంచనా వేసింది. ఏప్రిల్ 28వ తేదీకి 30 వేలు ఉన్న కేసులు 11 రోజుల్లోనే రెట్టింపయ్యాయి. కేసుల పరంపర ఇదే స్థాయిలో ఉంటే ఈ నెలాఖరుకు పాజిటివ్ కేసులు దాదాపు రెండు లక్షలకు చేరుతాయని అంచనా వేశారు. దీంతో వీరి అధ్యయనం అధికార వర్గాలతో పాటు ప్రజలను భయాందోళన రేకెత్తేలా చేస్తోంది. దేశంలో ఇప్పటివరకు 62913 పాజిటివ్ కేసులు నమోదయ్యాయి. వీరిలో 2103 మంది మృతిచెందగా 19315 మంది కరోనా నుంచి కోలుకున్నారు. ప్రస్తుతం కరోనా బారిన పడి చికిత్స పొందుతున్నవారు 41495 మంది. అయితే దేశవ్యాప్తంగా ప్రభుత్వ – ప్రైవేటు రంగాల్లో కలిపి మొ...

భారత్, చైనాలను అనుసంధానం చేసే ఓ రహదారి ప్రాజెక్టుపై నేపాల్‌లో ఆగ్రహం వ్యక్తమవుతోంది. నేపాల్ రాజధాని కాఠ్‌మాండూలో ఉన్న భారత దౌత్య కార్యాలయం ఎదుట పదుల సంఖ్యలో జనం పోగై శనివారం నిరసనకు దిగారని ఏఎఫ్‌పీ వార్తా సంస్థ పేర్కొంది. శాంతి భద్రతలకు విఘాతం కలగకుండా ఉండేందుకు ఆ నిరసనకారులను పోలీసులు అరెస్టు చేసినట్లు తెలిపింది. భారత రక్షణ మంత్రి రాజ్‌నాథ్ సింగ్ శుక్రవారం ధార్చులా నుంచి లిపులేఖ్ (చైనా సరిహద్దు) వరకూ ఉన్న లింక్ రోడ్డును ప్రారంభించారు. దీన్ని నిర్మించిన సరిహద్దు రహదారుల సంస్థకు అభినందనలు తెలిపారు. నేపాల్ అభ్యంతరాలకు కారణం ఏంటంటే... లిపులేఖ్ మార్గం తమ భూభాగమని నేపాల్ అంటోంది. 1816లో కుదిరిన సుగౌలీ ఒప్పందాన్ని దీనికి ఆధారంగా చూపుతోంది. సుగౌలీ ఒప్పందం భారత్‌తో తమ పశ్చిమ సరిహద్దులను నిర్ణయించిందని, దీని ప్రకారం మహాకాలీ నది తూర్పునున్న ప్రాంతం తమ పరిధిలోకి వస్తుందని నేపాల్ అంటోంది. నేపాల్ చెబుతున్న ఈ ప్రాంతంలోనే లింపియాధురా, కాలాపానీ, లిపులేఖ్ ఉన్నాయి. వ్యూహాత్మకంగా ప్రాధాన్యం ఉన్న కాలాపానీ 1962లో భారత్-చైనా యుద్ధం జరిగినప్పటి నుంచి భారత సైన్యం నియంత్రణలో ఉంది. ఆ ప్రాంతం కూడా తమ...

మహబూబాబాద్ జిల్లా బయ్యారం మండలంలోని కోటగడ్డ గ్రామ పంచాయితీ పరిధిలో వేములపల్లి రాజు ఇంట్లో ఈ నెల 5వ తారీకు నుండి ప్రతి రోజుకు సుమారు 2 నుండి 3 సార్లు అకస్మాత్తుగా మంటలు చెలరేగడం, వాటిని కుటుంబ సభ్యులు ఆర్పడం జరుగుతోందని ఆలస్యంగా వెలుగులోకి వచ్చింది. ఇంటి యజమాని వేములపల్లి రాజు తెలుపుతున్న సమాచారం ప్రకారం ఈ నెల 5, 6, 7, 8వ తారీకు రోజులలో ప్రతి రోజు మూడు నుండి నాలుగు సార్లు తన ఇంట్లోని బెడ్ రూమ్‌లో, బాత్ రూములో, కిచెన్‌లో బట్టలు, టివి, ఫ్రిజ్, ఫోన్ ఇతర ముఖ్య సామాన్లు తగలబడి పోయే ఘటనలు చోటు చేసుకుంటున్నాయని, విద్యుత్ షార్ట్ సర్కూట్ కారణంగా జరుగుతున్నాయేమోననే అనుమానంతో ఒక రోజంతా ఇంటికి విద్యుత్ సరఫరా నిలిపివేసి చూశామని, అయినా సరే అగ్ని ప్రమాదాలు చోటు చేసుకోవడం ఆగడం లేదని, పోలీసులకు సమాచారం అందించగా శుక్రవారం రోజున ఇంటిని సందర్శించి వెళ్ళారని, విచారణ చేసి సమాచారం తెలుపుతామని తెలిపారని ఇంటి యజమాని రాజు తెలిపారు.  ఇంట్లో ఏ సమయంలో ఏం జరుగుతుందో తెలియని స్థితి నెలకొని ఉన్నందున విషయం తేలేంతవరకు కుటుంబ సభ్యులతో సహా ఇంట్లోని సామాన్లు ఖాళీ చేసి ఇంటి ముందున్న రేకుల షెడ్‌లోకి మార్చామని, ...

ఛత్తీస్‌గఢ్ రాష్ట్రం రాజనందగావ్ జిల్లా మన్పూర్ అటవీ ప్రాంతం పరిధిలోని పర్దోని దగ్గర మావోయిస్టులకు పోలీసులకు జరిగిన ఎదురు కాల్పుల్లో ఇద్దరు మహిళా మావోయిస్టులతో సహా నలుగురు మావోయిస్టులు, ఒక ఎస్సై మరణించారు. చనిపోయిన వారిలో సీపీఐ మావోయిస్టు పార్టీ డివిజనల్ కమిటీ మెంబర్ అశోక్, ఏరియా కమిటీ మెంబర్ నరేటి కృష్ణ, దళ సభ్యులు సవిత, పరిమిళ ఉన్నారు. చనిపోయిన ఎస్సై పేరు శ్యామ్ కిషోర్ శర్మ. అయితే ఈ సంఘటనపై పోలీసుల వర్షన్ మాత్రమే ఇప్పటి వరకు తెలిసింది. సీపీఐ మావోయిస్టు పార్టీ ప్రకటన‌ కానీ, స్థానికులు ‌కానీ ఇంత వరకు మీడియాకు ‍అమ్దుబాటులోకి రాలేదు. అయితే పోలీసులు మాత్రం ఎప్పుడూ చెప్పే కథనే మళ్ళీ చెప్పారు. వారి కథనం ఏంటంటే.. మామదన్వాడ పోలీస్ స్టేషన్ ఎస్‌ఐ శ్యామ్ కిషోర్ శర్మ నేతృతత్వంలో పోలీసులు శుక్రవారం రాత్రి మన్పూర్ కు నక్సల్స్ ఆపరేషన్ నిమిత్తం కూంబింగ్‌కు వెళ్లారు. ఈ క్రమంలో అటవీ ప్రాంతంలో అప్పటికే మాటు వేసిన మావోయిస్టులు పోలీసులపై మెరుపుదాడికి దిగారు. దీంతో అప్రమత్తమైన పోలీసులు మావోయిస్టులపై ఎదురు కాల్పులు జరిపారు. ఈ ఘటనలో నలుగురు మావోయిస్టులతో పాటు, ఎస్‌ఐ శ్యామ్ కిషోర్ శర్మ కడుపులోకి బుల్...

గుజరాత్ రాష్ట్రం సూరత్ లో వలస కార్మికులు మరో సారి తిరగబడ్డారు. కార్మికులు ఇలా తిరగబడి పోలీసులతో ఘర్షణ పడటం నెల రోజుల్లో దాదాపు ఇది ఆరోసారి. అనేక రాష్ట్రాల నుండి బతకడానికి సూరత్ వచ్చిన లక్షల మంది కార్మికులు లాక్ డౌన్ కారణంగా పనులు కోల్పోయారు. ఇంటి కిరాయిలు కట్టే పరిస్థితుల్లో లేరు. తినడానికి తిండి కూడా లేక ఎలాగైనా తమ స్వంత గ్రామాలకు వెళ్ళిపోవాలనే పట్టుదలతో ఉన్నారు. సూరత్ జిల్లాలోని హజీరా పారిశ్రామిక ప్రాంతంలో పని చేసే కార్మికులు ఆ పక్కనే ఉన్న మోరా అనే గ్రామంలో నివాసముంటారు. ఈ రోజు ఉత్తరప్రదేశ్, బీహార్, ఒడిశా రాష్ట్రాలకు చెందిన‌ వందలాది మంది ఒక్కసారి రోడ్ల మీదికి వచ్చి నిరసన తెలిపారు. తమను తమ స్వంత ఊర్లకు పంపాలని డిమాండ్ చేశారు. వాళ్ళను అడ్డుకున్న పోలీసులపై కార్మికులు తిరగబడ్డారు. పోలీసులు లాఠీచార్జ్ చేయగా కార్మికులు పోలీసులపైకి రాళ్ళు విసిరారు. వందలాది మందిని పోలీసులు అరెస్టు చేశారు. వేలాదిగా మోహరించిన‌ పోలీసులు మోరా గ్రామాన్ని చుట్టుముట్టారు. --------------------------------------------------------------------------- Migrant workers in Gujarat state of Surat have turned...

బిల్డర్లు, రియల్ ఎస్టేట్ వ్యాపారుల కోసం వలసకార్మికుల పట్ల దుర్మార్గంగా వ్యవహరిస్తోంది కర్నాటక ప్రభుత్వం. వాళ్ళకు సహాయం చేస్తున్న సామాజిక కార్యకర్తలపై కేసులు నమోదు చేస్తున్నారు. రియల్ ఎస్టేట్ వ్యాపారులతో సమావేశం తర్వాత వలస కార్మికుల కోసం నడుస్తున్న రైళ్ళను రద్దు చేసిన ముఖ్యమంత్రి యెడ్యూరప్ప ఆ నిర్ణయంపై తీవ్ర విమర్షలు చుట్టు ముట్టడంతో మళ్ళీ రైళ్ళను నడుపుతున్నట్టు ప్రకటించాల్సి వచ్చింది. అయితే వలస కార్మికులను తమ స్వంతూర్లకు వెళ్ళడానికి సహాయం చేస్తున్న సామాజిక కార్యకర్తలపట్ల బిల్డర్లు, రియల్ ఎస్టేట్ వ్యాపారులు చాలా కోపంగా ఉన్నారు. ఆ వ్యాపారులకు మద్దతుగా ప్రభుత్వం రంగంలోకి దిగి కార్యకర్తలపై కేసులు నమోదు చేస్తోంది. లాక్ డౌన్ విధించినప్పటి నుండి బెంగుళూరు లోని బిఎల్ కశ్యప్ కార్మిక శిబిరంలో ఉన్న నిర్మాణ కార్మికులకు ʹస్వరాజ్ అభియాన్ʹ అనే స్వచ్చంద సంస్థ‌ ఆహారం మరియు రేషన్ అందిస్తోంది. ఆ సంస్థ తరపున కలెముల్లా, జియా నోమా అనే ఇద్దరు కార్యకర్తలు ప్రతీ రోజూ కార్మికులకు ఆహారం అందిస్తున్నారు. ఈ నేపథ్యంలో తమ రాష్ట్రాలకు రైళ్ళు నడుస్తున్నాయని తెలుసుకున్న వలస కార్మికులు ఎలాగైనా స్వంత ఊర్లకు ...

“దేశంలోని కొన్ని ప్రధాన రాష్ట్రాల్లో పారిశ్రామిక విప్లవానికి ముందు ఏ పరిస్థితుల్లో కార్మికులు పనులు చేయాల్సి వచ్చిందో ఇప్పుడు అలాంటి పరిస్థితే ఏర్పడింది” అని కార్మిక సంఘాలకు సంబంధించిన కొంతమంది చెబుతున్నారు. దేశంలో చాలా రాష్ట్రాలు కరోనాపై పోరాటం పేరుతో కార్మిక చట్టాల్లోని చాలా నిబంధనలను మూడేళ్ల వరకూ అటకెక్కించాయి. అంటే, కార్మికుల సంక్షేమం కోసం చేసిన చట్టాలను అమలు చేయాల్సిన అవసరం లేకుండా పారిశ్రామికవేత్తలు, యాజమాన్యాలకు మినహాయింపులు ఇచ్చినందుకే వారు అలా చెబుతున్నారు. ఉత్తరప్రదేశ్ ప్రభుత్వం బుధవారం తమ మంత్రిమండలి సమావేశంలో వీటిలో అత్యంత ముఖ్యమైన నిర్ణయం తీసుకుంది. రాష్రంలో పెట్టుబడులు పెంచేందుకు ఒక నిర్ణయానికి వచ్చింది. ముఖ్యమంత్రి యోగి ఆదిత్యనాథ్ అధ్యక్షతన జరిగిన మంత్రిమండలి సమావేశం తర్వాత రాష్ట్రంలో ఇక కార్మికులకు సంబంధించిన మూడు చట్టాలే అమలవుతాయని, మిగతా చట్టాలు మూడేళ్ల వరకూ అమలులో ఉండవని ప్రకటన జారీ చేశారు. అమలులో ఉండే ఆ మూడు చట్టాలు- భవన నిర్మాణ కార్మిక చట్టం, వెట్టిచాకిరి వ్యతిరేక చట్టం, కార్మిక పరిహార చట్టంలో ఐదో షెడ్యూల్. పన్నెండు గంటల షిఫ్ట్ మారిన పరిస్థితుల ప్రక...

అత్యంత ప్రమాదకర కరోనా వైరస్ ను రూపుమాపేందుకు ప్రపంచవ్యాప్తంగా తీవ్ర ప్రయత్నాలు జరుగుతున్న సంగతి తెలిసిందే. వేల కోట్ల వ్యయంతో ప్రయోగశాలల్లో వ్యాక్సిన్లు, సమర్థ ఔషధాల కోసం ప్రయోగాలు జరుగుతున్నాయి. ఈ నేపథ్యంలో హాంకాంగ్ యూనివర్సిటీ పరిశోధకులు ఆసక్తికర అంశం వెల్లడించారు. మూడు రకాల మందుల కాంబినేషన్ ను కరోనా చికిత్సలో వాడితే, సత్ఫలితాలు కనిపిస్తున్నాయని తెలిపారు. యాంటీ వైరల్ థెరపీలో భాగంగా కరోనా రోగులకు ఇంటర్ ఫెరాన్ బీటా-1బీతో పాటు లోపినవివర్-రిటోనవిర్, రైబావిరిన్ ఔషధాలను ఇచ్చినట్టయితే శరీరంలో వైరస్ ల సంఖ్య గణనీయంగా తగ్గిపోయినట్టు పరిశోధకులు తెలిపారు. కేవలం లోపినవిర్-రిటోనవిర్ మాత్రమే ఇచ్చినప్పుడు ఏమంత సమర్థంగా పనిచేయలేదని, ఇతర యాంటీ వైరల్ మందులు కూడా జతచేసినప్పుడు ఫలితాలు ఆశాజనకంగా వచ్చాయని హాంకాంగ్ యూనివర్సిటీకి చెందిన ఆ పరిశోధకులు వివరించారు.  సింగిల్ డ్రగ్ ట్రీట్ మెంట్ కంటే కాంబినేషన్ లో యాంటీవైరల్ డ్రగ్స్ ఇవ్వడం ద్వారా అధిక ప్రభావం కనిపిస్తోందని, అయితే, రోగులు కరోనా లక్షణాలు కనిపించిన వారంలోపే ఆసుపత్రిలో చేరినప్పుడే ఈ ట్రిపుల్ కాంబినేషన్ మందులు శక్తిమంతంగా పనిచేస్తాయని ...

ఏపీలో ఇసుక మద్యం అక్రమ రవాణాను అడ్డుకోవడానికి ఏపీ ప్రభుత్వం కీలక నిర్ణయం తీసుకుంది. ఎక్సైజ్శాఖామంత్రి సీఎస్ డీజీపీల సహా కీలక అధికారులు హాజరైన సమావేశంలో సీఎం ప్రత్యేక వ్యవస్థ ఉండాల్సిన అవసరాన్ని వివరించారు. ఆ వ్యవస్థ రూపురేఖలపై అధికారులకు దిశానిర్దేశం చేశారు. ప్రణాళికలు సిద్ధం చేయాలని ఆదేశించారు. గత ప్రభుత్వ హయాంలో మద్య నియంత్రణ ఎన్ ఫోర్స్మెంట్ వంటి అంశాల్ని పూర్తిగా వదిలేశారని పర్మిట్ రూమ్స్ బెల్టుషాపులతో ఎక్కడిపడితే అక్కడ మద్యాన్ని విక్రయించారని.. వైసీపీ ప్రభుత్వం అధికారంలోకి వచ్చాక 20శాతం దుకాణాలను తగ్గించామని సీఎం జగన్ చెప్పుకొచ్చారు. సంపూర్ణ మద్యపాన నిషేదంలో భాగంగానే మద్యం రెట్లని భారీగా పెంచుతున్నామని గ్రామాల్లో దాదాపు 43వేల బెల్టుషాపులను తొలగించామని.. 4500 పర్మిట్ రూమ్ లను పూర్తిగా ఎత్తివేశామన్నారు. ఈ చర్యలతో మద్య నియంత్రణ విషయంలో కీలక అడుగులు ముందుకేశామన్నారు. మళ్లీ మద్యం ధరలను 75శాతం పెంచడమే కాకుండా.. మరో 13 శాతం దుకాణాలను తగ్గించడానికి నిర్ణయించామన్నారు. మద్యం ప్రభుత్వ ఉద్దేశాలను దెబ్బతీయడానికి చాలామంది ప్రయత్నాలు చేస్తారన్నారు సీఎం. ఎట్టిపరిస్థితుల్లోనూ మద్యం ఇసుక అ...

దేశంలోనే ఒకప్పుడు వెలుగు వెలిగిన నేత ఇప్పుడు చావుబతుకుల మధ్య కొట్టుమిట్టాడుతున్నాడు. నాటి యూపీఏ కాంగ్రెస్ ప్రభుత్వాన్ని నిలబెట్టిన మాజీ సీఎం దేశంలోనే సీనియర్ నేత అజిత్ జోగి తీవ్ర అనారోగ్యానికి గురయ్యాడు. ఆయన పరిస్థితి విషమంగా ఉంది. 74 ఏళ్ల అజిత్ జోగి శనివారం ఉదయం ఇంటి సమీపంలోని గార్డెన్ లో ఉండగా అకస్మాత్తుగా గుండెపోటు వచ్చింది. దీంతో ఆయన అక్కడే కుప్పకూలిపోయాడు. గమనించిన కుటుంబ సభ్యులు రాయ్ పూర్ లోని శ్రీనారాయణ ఆస్పత్రికి తరలించారు. అజిత్ జోగి పరిస్థితి విషమంగానే ఉందని ఆయనకు చికిత్స చేస్తున్న ఆస్పత్రి వైద్యులు హెల్త్ బులిటెన్ విడుదల చేశారు. వెంటిలేటర్ పై చికిత్స అందిస్తున్నామన్నారు. అజిత్ జోగి ఆరోగ్య పరిస్థితిపై ఆయన కుమారుడు అమిత్ జోగి మీడియాతో మాట్లాడారు. తన తండ్రికి వెంటిలేటర్ పై చికిత్స అందుతోందని.. శ్వాస తీసుకోవడంలో కూడా ఇబ్బందులు తలెత్తడంతో వెంటిలేటర్ పై చికిత్స అందిస్తున్నామన్నారు. ---------------------------------------------------------------- The leader, who once shone in the country, is now hovering among the dead. Former chief minister Ajit Jogi, who has b...

ఇప్పటికే దారుణ పరిస్థితుల్లో ఉన్న వృత్తులను లాక్ డౌన్ మరింత ప్రమాదంలోకి తోసింది. చేనేత, మరనేత రంగాలు ఇప్పుడు ఇదే ఇబ్బందుల్లో ఉన్నాయి. లాక్ డౌన్ వల్ల బట్టల వ్యాపారం పూర్తిగా ఆగిపోయింది. లాక్ డౌన్ తరువాత కూడా పాత వేగంతో ముందుకెళుతుందన్న భరోసా లేదు. దీని ప్రభావం నేత కార్మికులపై తీవ్రంగా ఉంది. ప్రస్తుతం నేత కార్మికులుగా పిలుస్తున్న వారిలో రెండు రకాలు ఉంటారు. ఒకరు చేతితో మగ్గంపై నేతనేసే వారు, చేనేత కార్మికులు. రెండోవారు, కరెంటు మెషీన్ల మీద నేతనేసేవారు. వీరినే మరనేత కార్మికులు అంటున్నారు. లాక్ డౌన్ ఇప్పుడు ఇద్దర్నీ ఇబ్బంది పెడుతోంది. పెళ్లిళ్ల సీజన్లు, రెగ్యులర్‌గా వచ్చే ఆర్డర్లు అన్నీ పోయాయి. ఒక అంచనా ప్రకారం ఒక్క తెలంగాణలోనే చేనేత కార్మికుల దగ్గర వంద కోట్ల రూపాయల విలువైన వస్త్రాలు ఉండిపోయాయి. తెలంగాణలో సగటున నెలకు 40-50 కోట్ల రూపాయల విలువైన చేనేత వస్త్రాలు ఉత్పత్తి అవుతాయి. వాటిలో సగం పట్టు చీరలే. ఇప్పటి వరకూ నేత కార్మికులు తమ దగ్గర ముడి సరకు ఉన్నంత వరకూ పనిచేశారు. లాక్ డౌన్ వల్ల మహారాష్ట్ర, గుజరాత్, తమిళనాడు, కర్ణాటకల నుంచి వచ్చే ముడి సరకు ఆగిపోయింది. దీంతో పని ఆపేయాల్సి వచ్చింద...