Salaam Telangana

సెక్స్ వర్కర్లలో ఉన్న పేదరికం, ఇతర కారణాలే దానికి కారణం. లాక్‌డౌన్‌లో సెక్స్‌వర్కర్లు పని చేసే సమయం ఏ మాత్రం తగ్గలేదని వారికి సాయం చేస్తున్న కొన్ని సంస్థలు చెబుతున్నాయి. మరి కొందరైతే మరో దారేదీ లేకపోవడంతో కొత్తగా ఈ వృత్తిలో చేరుతున్నారు. ఏ కారణాల వల్ల మహిళలు తమ శరీరాన్ని అమ్ముకోవాల్సి వస్తోందో ఆ కారణాలు ఇప్పటికీ పోలేదు. ‘‘నేను చేసే పనే నా ఆదాయ వనరు’’ అంటారు వీరు. అద్దె కట్టడానికి, ఆహారం కొనుక్కోవడానికి సెక్స్ వర్కర్లు చాలా ఇబ్బందులు పడుతున్నారు. ఇతరులకు అందినట్టుగా వీరికి ఏ మాత్రం సాయం అందటం లేదు. మనుషులు ఒక చోట కలవడం ద్వారానే నడిచే ఈ పరిశ్రమ కరోనాతో బాగా దెబ్బతింది. భద్రత లేకపోవడం, తీవ్రమైన అసమానతలు ఎదుర్కొంటున్న సెక్స్ వర్కర్లు ప్రపంచవ్యాప్తంగా ఇప్పుడు కష్టాల్లో ఉన్నారు. బ్రిటన్‌లో సెక్స్ వర్కర్‌గా పనిచేస్తున్నారు క్లెయిర్‌. లాక్‌డౌన్ ఈమె ఆదాయాన్ని తుడిచిపెట్టేసింది. ‘‘ప్రస్తుతం నేను ఎవరి వద్దకూ వెళ్లలేను. ఎవరినీ కలవలేను. దాంతో నా ఆదాయానికి గండిపడింది. నిజం చెప్పాలంటే ఇప్పుడు నేను బాగా కష్టాల్లో ఉన్నాను’’ అని ఆమె తెలిపారు. క్లెయిర్ సాధారణంగా నెలలో వారం రోజులు ఇటలీలో పనిచేస్...

కాలాపానీ, లిపులేఖ్, లింపియాధురా ప్రాంతాలను తమ భూభాగాలుగా చూపించే అధికారిక రాజకీయ మ్యాప్‌ను నేపాల్ కేబినెట్ ఆమోదిస్తూ, ఓ సంచలన అడుగు వేసింది. మహాకాలీ నది మొదలయ్యేది లింపియాధురాలోనేనని నేపాల్ మరోసారి నొక్కిచెప్పింది. ప్రస్తుతం భారత్‌లోని ఉత్తరాఖండ్‌లో ఈ లింపియాధురా ప్రాంతం ఉంది. భారత్ మాత్రం నేపాల్ వాదనను తిరస్కరిస్తూ వస్తోంది. టిబెట్‌లో ఉండే మానస సరోవర్‌కు వెళ్లే లిపులేఖ్ మార్గంలో ఓ సరిహద్దు రహదారిని భారత్ పది రోజుల క్రితం ప్రారంభించింది. దీనిపై నేపాల్ ప్రభుత్వం తీవ్ర అభ్యంతరం వ్యక్తం చేసింది. కాఠ్‌మాండూలోని వీధుల్లో భారత్‌కు వ్యతిరేకంగా నిరసనలు జరిగాయి. ఆ దేశ పార్లమెంటులోనూ భారత్ తీరుపై నిరసన వ్యక్తమైంది. అంతకుముందు ఆరు నెలల క్రితం జమ్మూ కశ్మీర్ విభజన తర్వాత విడుదల చేసిన కొత్త రాజకీయ మ్యాప్‌లో లింపియాధురా, కాలాపానీ, లిపులేఖ్‌లను భారత్ తమ భూభాగాలుగా చూపించింది. అయితే, ఇవి తమ భూభాగాలని నేపాల్ చాలా కాలంగా వాదిస్తోంది. నేపాల్ కేబినెట్ తాజా నిర్ణయం కొత్త ఆరంభమని, కొత్త విషయం మాత్రం కాదని ఆ దేశ మంత్రి గణ్‌శ్యామ్ భూసల్ కాంతిపుర్ టీవీతో అన్నారు. ‘‘మహాకాలీ నదికి తూర్పున ఉన్న ప్రాంతం నే...

ఇది టిబెట్‌కు చెందిన గెధున్ చోకీ నియిమా ఫోటో. క‌నిపించ‌కుండాపోయిన ప్ర‌‌పంచ ప్ర‌ముఖుల్లో ఆయ‌న‌ కూడా ఒక‌రు. ఆయ‌నకు ఆరేళ్ల వ‌య‌సున్న‌ప్పుడు ఈ ఫోటో తీశారు. ప్ర‌జ‌ల‌కు అందుబాటులోనున్న‌ ఆయ‌న ఏకైక ఫోటో ఇదే. దీనిలో గులాబీ రంగు బుగ్గ‌ల‌తో ఆయన చ‌క్క‌గా కనిపిస్తున్నారు. ఇప్పుడు ఆయ‌న‌కు 31 ఏళ్లు. ఆయ‌న్ను పంచెన్‌ లామాగా గుర్తించిన మూడు రోజుల‌కే చైనాలో ఆయ‌న కుటుంబంతోపాటు క‌నిపించ‌కుండా పోయారు. ఈ ఘ‌ట‌న‌కు మే 17తో స‌రిగ్గా 25 ఏళ్లు పూర్త‌యింది. టిబెట‌న్ బుద్ధిజంలో పంచెన్ లామా రెండో అత్యంత ప్ర‌ముఖుడు. అదృశ్య‌మైన త‌ర్వాత‌ ఆయ‌నకు ఏం జ‌రిగిందో ఇప్ప‌టివ‌ర‌కు ఎలాంటి స‌మాచార‌మూ లేదు. ఆయ‌న్ను ఇప్ప‌టికైనా చైనా విడుద‌ల చేయాల‌ని చైనా బ‌య‌ట‌నున్న టిబెట‌న్లు కోరుతున్నారు. అయితే కేవ‌లం చైనా అధికారుల‌కు మాత్ర‌మే ఆయన ఎక్క‌డున్నారో తెలుసు. ఇప్పుడు వారు నోరు తెరచి నిజం చెబుతార‌ని ఎవరూ అనుకోవ‌డం లేదు. "మాకు మ‌బ్బు ప‌ట్టిన‌ట్టు అనిపిస్తోంది"అని లండ‌న్లో ఉంటున్న టిబెట్ అజ్ఞాత ప్ర‌భుత్వ ప్ర‌తినిధి సోన‌మ్ షెరింగ్ వ్యాఖ్యానించారు. పంచెన్ లామాను ఇప్ప‌టికైనా విడుద‌ల చేయాల‌ని కోరుతున్న వారి బాధ‌ను అర్థం చేసుకోవ‌చ...

భారత్, చైనా సైనికుల మధ్య వాస్తవాధీన రేఖ (ఎల్ఏసీ) వెంబడి కొన్ని ప్రాంతాల్లో జరిగిన ఘర్షణల గురించి భారత మీడియాలో వార్తలు వస్తున్నాయి. అయితే, ఇలాంటి సరిహద్దు రేఖ మరొకటి ఉంది. అక్కడే జరిగే కార్యకాలాపాలను మాత్రం ఎవరూ పెద్దగా గమనించడం లేదు. ఇరాన్‌తో పాకిస్తాన్‌లోని బలూచిస్తాన్ ప్రావిన్సు సరిహద్దు పంచుకుంటుంది. సరిహద్దుకు సమీపంలోనే పాకిస్తాన్ భద్రతాదళాలకు చెందిన ఆరుగురు సైనికులు ఇటీవల మరణించారు. వారు ప్రయాణిస్తున్న వాహనాన్ని రిమోట్ కంట్రోల్‌తో ఇంప్రూవైజ్డ్ ఎక్స్‌ప్లోజివ్ డివైజ్(ఐఈడీ)తో ఎవరో పేల్చేశారు. మరణించిన సైనికుల్లో ఓ మేజర్ స్థాయి అధికారి ఉన్నారు. పాకిస్తాన్ సైన్యం ప్రజా సంబంధాల విభాగం డైరెక్టర్ (డీజీ ఐఐఎస్‌పీఆర్) చెప్పిన వివరాల ప్రకారం ఈ సైనికుల బృందం పాకిస్తాన్-ఇరాన్ సరిహద్దుకు 14 కి.మీ.ల దూరంలోని ప్రాంతంలో గస్తీ విధుల్లో ఉండగా ఈ ఘటన జరిగింది. అక్కడి పర్వత ప్రాంతాల్లో మిలిటెంట్లు ఉండే అవకాశమున్న రహదారుల్లో ఆ బృందం అప్పుడు తనిఖీలు చేస్తూ ఉంది. ఆ తర్వాత నాలుగు రోజులకు, మే 12న పాకిస్తాన్ సైన్యాధిపతి జనరల్ కమర్ జావెద్ బాజ్వా ఇరాన్ సైన్యాధిపతి మేజర్ జనరల్ బఘెరీకి ఫోన్ చేశారు. పాకిస్త...

ఉత్తరప్రదేశ్ లోని ఓ 60ఏళ్ల వలస కార్మికుడు ఆదివారం ఉదయం ఆకలితో చనిపోయాడు. మహారాష్ట్రలో ఇంటికి చేరుకోవాలని మూడు రోజులు ప్రయాణించిన వ్యక్తి.. సరైన ఆహారం దొరక్క ఆకలితో చనిపోయాడని బంధువులు చెబుతున్నారు. కుటుంబ సభ్యులతో కలిసి ఓ ట్రక్ లో విక్రమ్ మహారాష్ట్ర నుంచి గురువారం ఇంటికి చేరుకున్నాడు.  ఉత్తరప్రదేశ్ లోని కన్నౌజ్ జిల్లాకు ఇంటికి రావడానికి 120కిలోమీటర్ల ప్రయాణం చేశఆడు. తెల్లవారుజామున మూడు గంటలకు దిగిన వ్యక్తి సొంతూరు వెళ్లడానికి ఒక కిలోమీటర్ ఉందనగా రోడ్డుపై కుప్పకూలాడు. ముందుగా ఆకలితో చనిపోయినట్లుగా స్థానికులు చెప్పారు.  గురువారం బయల్దేరిన వారికి శుక్రవారం కూడా ఆహారం దొరకలేదు. కొన్ని బిస్కట్లు నీళ్లు తాగి కడుపునింపుకున్నారు. మరిన్ని వివరాలు తెలియాల్సి ఉందని సీనియర్ జిల్లా అధికారి శైలేశ్ కుమార్ సింగ్ అన్నారు. లక్షల్లో ప్రయాణం మొదలుపెట్టిన వలస కార్మికుల్లో విక్రమ్ ఒకరు.  లాక్‌డౌన్ కారణంగా ట్రాన్స్‌పోర్టులన్నీ బంద్ అయిపోవడంతో మార్చి నుంచి వలస కార్మికుల కష్టాలు తప్పడం లేదు. కాళ్లను నమ్ముకుని ప్రయాణం సాగిస్తున్న తరుణంలో ఆకలి, రవాణా కొరత సమస్యలతో ప్రాణాలు కోల్పోత...

"ఖానా తో మిల్ జాయెగా సాహిబ్.. ఏక్ పురాణి చప్పల్ దేదో" అని తిలోకి కుమార్ (32) తన కాళ్ళనుండి కారుతున్న రక్తాన్ని చూపించాడు. ఆ కాళ్ళు మొత్తం పుండులాగా ఉన్నాయి. ఇది ఇక తిలోక్ కుమా ర్ పరిస్థితే కాదు...దేశంలో పట్టణాల నుండి పల్లెలకు వెళ్తున్న అన్ని రోడ్లు ఇప్పుడు వలస కూలీల నెత్తురుతో తడుస్తున్నాయి. దేశంలో పాము మెలికల్లాగా తిరిగే నల్లని విశాలమైన రోడ్లన్నీ ఇప్పుడు వలస కూలీల ఆకలి కథలు...నెత్తురు కథలే వినిపిస్తున్నాయి. అలాంటి కథే తిలోకి కుమార్ ది. ఆయనది ఉత్తరప్రదేశ్ రాష్ట్రం గోరఖ్ పూర్ జిల్లా లోని పిప్రైచ్ అనే ఊరు. బతుకు తెరువు కోసం గుజరాత్ లోని సూరత్ వెళ్ళాడు. సూరత్‌లోని వస్త్ర విభాగంలో పనిచేస్తున్నాడు. ʹʹనేను శ్రామిక్ రైలు కోసం రిజిస్ట్రేషన్ చేసుకున్నాను. ఒక వారంపాటు వేచి ఉన్నాను. ఎవరూ పిలవలేదు. ఇక వేరే మార్గం లేక ఇంటికి నడిచి వెళ్ళాలని నిర్ణయించుకున్నాము. తెలియని ప్రదేశంలో కంటే ఇంట్లో చనిపోవడం మంచిది కదా ʹʹ అని అన్నారు తిలోకి కుమార్. రాజస్తాన్ నుండు ఉత్తరప్రదేశ్ బార్డర్ కు రాక ముందే ఆయన చెప్పులు తెగిపోయాయి, పనికి రాకుండా అయిపోయాయి. "నేను చాలా దూరం నుండి చెప్పులు లే...

అసలే కష్టాల్లో ఉన్న వలస కూలీలపై పోలీసుల దుర్మార్గాలు అంతులేకుండా ఉన్నాయి. గుజరాత్ లోని సూరత్ లో ఓ వలస కార్మికుడిని గురువారం సాయంత్రం పోలీసులు కొట్టి చంపారు. 30 ఏళ్ళ సత్య స్వైన్ ది ఒడిశా రాష్ట్రం గంజా‍ం జిల్లాలోని భంజనగర్ సమీపంలోని కుల్లాడ గ్రామం. బతుకుదెరువు వెతుక్కుంటూ సూరత్ కు వచ్చి 2 సంవత్సరాలుగా ఇక్కడే పని చేస్తున్నాడు. లాక్ డౌన్ కారణంగా పని కోల్పోయి అష్టకష్టాలు పడుతూ ఎలా గైనా స్వంత ఊరు వెళ్దామని నిర్ణయించుకున్నాడు. రైలు లో వెళ్ళడం కోసం స్థానిక పోలీసు స్టేషన్ లో రిజిస్ట్రేషన్ చేసుకోవాలి. అందువల్ల సత్య తన తోటి కార్మికులతో కలిసి పోలీసు స్టేషన్ వెళ్ళాడు. అక్కడ అప్పటికే చాలా మంది కార్మికులున్నారు. వీళ్ళందరినీ తరిమికొట్టాలనుకున్న‌ పోలీసులు హటాత్తుగా కార్మికులపై లాఠీచార్జ్ మొదలుపెట్టారు. చెదరగొట్టడమే కాక వెంట్పడి మరీ కొట్టారు. కార్మికులు వాళ్ళ ఇళ్ళలోకి పారి పోయినా సరే ఇళ్ళలోకి దూరి కొట్టారు. సత్యతో పాటు అనేక మంది కార్మికులు అంజని ఇండస్ట్రీస్ ఎస్టేట్ ప్రాంతంలో ఉంటున్నారు. కార్మికుల వెంటపడి వీళ్ళ ప్లాట్ లోకి దూసుకొచ్చిన పోలీసులు దారుణంగా కొట్టారు. ఆ దెబ్బలకు సత్య అక్కడే పడి పోయాడు. ...

గత 25 సంవత్సరాల్లో ప్రపంచీకరణ అనే పదం నిత్యం వాడే పదాల్లో ఒకటిగా మారిపోయింది. కానీ, ఇదేమి కొత్తగా పుట్టుకొచ్చిన విధానం కాదని, వందల ఏళ్లుగా సుదూర ప్రాంతాల మధ్య వాణిజ్యం జరుగుతూనే ఉందని చరిత్ర తెలిసిన ఆర్థికవేత్తలు ఎవరైనా చెబుతారు. మధ్య యుగంలో దేశాల మధ్య జరిగిన సుగంధ ద్రవ్యాల వాణిజ్యం, ఈస్ట్ ఇండియా కంపెనీ వ్యాపార శైలిని పరిశీలించి చూస్తే ఈ విషయం సులభంగా అర్ధం అయిపోతుంది. కానీ, గత కొన్నేళ్లలో ప్రపంచీకరణ ఊహించని రీతిలో పెరిగిపోయింది. సులభతరమైన రవాణా సౌకర్యాలు, వరల్డ్ వైడ్ వెబ్, కోల్డ్ వార్ ముగింపు, కొత్త వాణిజ్య ఒప్పందాలు, వేగంగా అభివృద్ధి చెందుతున్న దేశాలు ప్రపంచీకరణ అనే ఒక కొత్త విధానానికి శ్రీకారం చుట్టి ప్రపంచంలో ఆవల వైపు ఏమి జరుగుతుందో తెలుసుకునే అవసరాన్ని గతంలో ఎన్నడూ లేనంత విధంగా కలగచేశాయి. అందుకే ప్రపంచ దేశాలని భయపెడుతున్న కొవిడ్-19 అంత తొందరగా ఆర్ధిక వ్యవస్థ మీద ప్రభావం చూపిస్తోంది. గత 17 ఏళ్లలో ప్రపంచ ఆర్ధిక వ్యవస్థలో గణనీయమైన మార్పులు చోటు చేసుకున్నాయని యూరోపియన్ బ్యాంక్ ఫర్ రీకన్‌స్ట్రక్షన్ అండ్ డెవలప్‌మెంట్ ప్రధాన ఆర్థికవేత్త ప్రొఫెసర్ బీటా జావెరిక్ అన్నారు. "వె...

యూట్యూబ్‌లో ఎక్కువ మంది చూసిన క‌రోనావైర‌స్ వీడియోల్లో నాలుగో వంతుకుపైనే ఫేక్ న్యూస్ లేదా త‌ప్పుదారి ప‌ట్టించేవి ఉన్నాయ‌ని‌ తాజా అధ్య‌య‌నం చెబుతోంది. మొత్తంగా త‌ప్పుదారి ప‌ట్టించే వీడియోల‌ను నెటిజ‌న్లు 6.2 కోట్ల‌ సార్లు చూశారు. ఫార్మా కంపెనీలు ఇప్ప‌టికే క‌రోనావైర‌స్ వ్యాక్సీన్‌ను త‌యారుచేశాయని, అయితే ఆ వ్యాక్సీన్‌ల‌ను కావాల‌నే విక్ర‌యించ‌డంలేద‌ని అస‌త్య స‌మాచారం ‌కూడా ప్ర‌ధాన‌ ఫేక్ న్యూస్‌ల‌లో ఒక‌టి. ఇలాంటి ప్ర‌మాద‌క‌ర, త‌ప్పుదారి ప‌ట్టించే స‌మాచారానికి క‌ళ్లెం వేసేందుకు తాము క‌ట్టుబ‌డి ఉన్నామ‌ని యూట్యూబ్ తెలిపింది. ప్ర‌భుత్వ సంస్థ‌లు, ఆరోగ్య నిపుణులు అప్‌లోడ్ చేసిన వీడియోల్లో క‌చ్చిత‌మైన‌, నాణ్య‌మైన స‌మాచారం ఉంద‌ని తాజా ప‌రిశోధన చెబుతోంది. అయితే, చాలాసార్లు ఈ వీడియోల్లో యూట్యూబ్ స్టార్లు, వ్లాగ‌ర్లు లేక‌పోవ‌డంతో ఎక్కువ మందికి చేరువ కావ‌డం లేద‌ని, కొన్నిసార్లు ఇవి సామాన్యుల‌కు అర్థ‌మ‌య్యే రీతిలో ఉండ‌టంలేద‌ని వివ‌రిస్తోంది. బీఎంజే గ్లోబ‌ల్ హెల్త్‌లో ప్ర‌చురితమైన ఈ అధ్య‌య‌నంలో.. మార్చి 21 వ‌ర‌కూ ఎక్కువ మంది చూసిన క‌రోనావైర‌స్‌కు సంబంధించిన యూట్యూబ్ వీడియోల‌పై దృష్టి సారించారు. గ...

ఫెలిసియన్ కబుగా.. రువాండా నరమేధంలో మోస్ట్ వాంటెడ్. ఆయన్ను పారిస్ సమీపంలో అరెస్ట్ చేసినట్లు ఫ్రాన్స్ న్యాయ మంత్రిత్వ శాఖ ప్రకటించింది. అస్నీరెస్ సుర్ సీన్‌లో తప్పుడు గుర్తింపు పత్రాలతో నివసిస్తున్న కబుగాను ఫ్రాన్స్ పారామిలటరీ బలగాలు పట్టుకున్నాయి. 84 ఏళ్ల కబుగాపై ‘ది ఇంటర్నేషనల్ క్రిమినల్ ట్రైబ్యునల్ ఫర్ రువాండా’ మారణహోమం, మానవజాతిపై సాగించిన నేరాభియోగాలు చేసింది. 1994లో రువాండాలో టుట్సీ తెగకు చెందిన 8 లక్షల మందిని హూటూ అతివాదులు చంపేశారు. హూటూ అతివాదులకు ధనసహాయం చేసిన ప్రధాన వ్యక్తి కబుగా అనేది ఆరోపణ. మైనారిటీ తెగ అయిన టుట్సీకి చెందినవారిని, తమ రాజకీయ ప్రత్యర్థులను లక్ష్యంగా చేసుకుని హూటూ అతివాదులు 1994లో మారణహోమం సృష్టించారు. కబుగాకు సంబంధించిన సమాచారం ఇచ్చినవారికి 50 లక్షల అమెరికన్ డాలర్ల బహుమతిని కూడా అమెరికా ఇదివరకే ప్రకటించింది. ఎవరీ కబుగా.. హూటూ తెగకు చెందిన వ్యాపారవేత్త కబుగా. రువాండా నరమేధానికి ధన సహాయం చేసింది ఈయనేనన్న ఆరోపణలున్నాయి. నరమేధానికి పాల్పడిన మిలీషియాలకు ఈయన భారీగా డబ్బులిచ్చారని చెబుతారు. ‘రేడియో టెలివిజన్ లిబర్ డెస్ మిల్లీ కొలీనెస్’(ఆర్టీఎల్ఎం) అనే దుష...

భారతదేశం పరారీలో ఉన్నట్లు ప్రకటించిన లిక్కర్ వ్యాపారి విజయ్ మాల్యాకు బ్రిటన్‌లో మరోసారి ఎదురుదెబ్బ తగిలింది. మోసం, కింగ్‌ఫిషర్ ఎయిర్‌లైన్స్ రుణాల ఎగవేతకు సంబంధించి మనీ లాండరింగ్ ఆరోపణలపై భారతదేశానికి తనను అప్పగించవద్దని కోరుతూ అప్పీలు చేయటానికి సమర్పించిన దరఖాస్తును బ్రిటన్ సుప్రీంకోర్టు గురువారం తిరస్కరించింది. మాల్యాను భారతదేశానికి అప్పగించాలంటూ వెస్ట్‌ మినిస్టర్ మెజిస్ట్రేట్ కోర్టు 2018 సెప్టెంబర్‌లో ఇచ్చిన ఆదేశాలను బ్రిటన్ హోంమంత్రి ఆమోదించారు. మెజిస్ట్రేట్ కోర్టు ఆదేశాలను సవాల్ చేస్తూ మాల్యా హైకోర్టును ఆశ్రయించగా.. హైకోర్టు ఆయన అప్పీలును కొట్టివేస్తూ ఏప్రిల్ 20వ తేదీన తీర్పు ఇచ్చింది. హైకోర్టు తీర్పు మీద సుప్రీంకోర్టులో అప్పీలు చేయటానికి విజయ్ మాల్యా దరఖాస్తు చేసుకున్నారు. ఈ అప్పీలుకు సంబంధించి భారత ప్రభుత్వ స్పందనను ఈ వారం ఆరంభంలో కోర్టుకు సమర్పించారు. ఈ నేపథ్యంలో సుప్రీంకోర్టు తాజాగా ఆయన దరఖాస్తును తిరస్కరించింది. దీంతో బ్రిటన్‌లో మాల్యాకు అన్ని దారులూ మూసుకుపోయాయి. ఇప్పుడు భారత్‌కు అప్పగించే నిర్ణయం తిరిగి హోంమంత్రి ప్రీతి పటేల్ ముందుకు వెళ్తుంది. సుప్రీం ఆదేశాలు వెలు...