అబద్దపు వీడియోల వెనుకనున్న అసలు నిజాలు!

మనదేశంలో కరోనా వ్యాప్తికి కేవలం ముస్లింలే కారణమని ఆరోపిస్తూ.. ప్రస్తుతం ఐదు వీడియోలు తీవ్రంగా వైరల్ అవుతూ ముస్లింలపై విద్వేషం పెరగడానికి కారణమవుతున్నాయి. ఆ వీడియోల్లో నిజానిజాలు తెలుసుకోకుండా మొన్నటి వరకు మిత్రులుగా ఉన్నవారు కూడా ఒకరికొకరుగా దూరంగా ఉంటున్నారు. అయితే, ఆ వీడియోలు కరోనా ప్రబలిన తర్వాత తీసినవి కావు. ఎప్పటి నుంచో ఇంటర్నెట్లో ఉన్నాయి. కానీ, కేవలం మతవిద్వేషాలను పెంచేందుకే కొందరు కావాలని ఈ వీడియోలను ఇప్పడు ఎక్కువగా ప్రచారం చేస్తూ.. బాధలను జనాలపైకి రుద్దుతున్నారు. ఆ వీడియోల వివరాలు ఇలా ఉన్నాయి.. 

----------------------------------------------------------------------------------------------------------------------

వీడియో 1 : ఓ పది మంది కలిసి ఖాళీ ప్లేట్లను , స్పూన్లను నాకుతూ దేశoలో కరోనా వ్యాపిస్తున్నారు అని వ్యాఖ్యానం జోడిస్తూ ప్రచారం చేస్తున్నారు.

నిజం : ఇది 2018 సంవత్సరపు పాత వీడియో . ట్విట్టర్ లో వుంది . షియా ముస్లిం మతంలోని ఒక సంప్రదాయంలో భాగంగా , దేవుడిచ్చిన ఒక్క మెతుకును కూడా waste చేయకూడదు అనే భావనలో తమ సమిష్టి భోజనంలో ప్లేట్లు , స్పూన్లను క్లీన్ గా నాకుతున్న వీడియో ఇది . ఇది పాత వీడియో . దీన్ని అలా వ్యాఖ్యానించడం దారుణం . ఇది fake video దీనికి కరోనా వ్యాప్తికి సంబంధం లేదు .

----------------------------------------------------------------------------------------------------------------------

వీడియో 2 : రోడ్డు మీద తోపుడు బండి మీద ఒక ముస్లిం వృద్ధుడు ఆరెంజ్ పండ్లను అమ్ముకుంటూ , అలవాట్లలో భాగంగా తన ఆరెంజ్ పండ్లను చేతి వెళ్ళ తడితో కౌంట్ చేస్తున్నాడు . అతను ఇలా కరోనాను వ్యాప్తి చేస్తున్నాడు

అని వ్యాఖ్యానిస్తూ వీడియోను ప్రచారం చేస్తున్నారు .

నిజం : ఆ వీడియో కరోనా వ్యాప్తి చెందని కాలం వీడియో . ఈ విషయం మధ్యప్రదేశ్ పోలీసులకు కూడా తెలిసిన విషయం . అతని మానసిక అనారోగ్యం వల్ల డబ్బులు కౌంట్ చేస్తున్నట్లుగా చేస్తుంటాడు . వాళ్ళ అమ్మాయి కూడా చెప్పింది . logic ఏంటంటే : వీడియోలో మాస్కులు ఏ ఒక్కరికీ లేవు . జన సమూహం ఉంది . ముఖ్యంగా కార్లు , ఆటోలు నడుస్తున్నాయి . సాధారణ రోజులలాగా వరుసగా దుఖానాలు ఓపెన్ వున్నాయి . ఇది క్లియర్ గా పాత వీడియో అని ఆలోచిస్తే తెలుస్తుంది . కానీ , వాళ్ళేమో “ చూడండి ఈ వృద్ధుడు తన ఉమ్ము తడితో కరోనా ను వ్యాపింప చేస్తున్నాడు అని ప్రచారం చేసి , చిన్న చిన్న బిజినెస్ లు చేసుకునే వాళ్ళ మీద నెగెటివ్ ప్రచారానికి పూనుకుంటున్నారు . ఇది fake video దీనికి కరోనా వ్యాప్తికి సంబంధం లేదు .

----------------------------------------------------------------------------------------------------------------------

వీడియో 3 : పోలీసులు ఓ ఖైదీని పోలీసు వ్యానులో తీసుకెళ్తుంటారు . ఓ కానిస్టేబుల్ కు అతనికి ఏం తగాదా వచ్చిందో , ఆ పోలీసు మీద ఉమ్మెస్తాడు . ముస్లింలు ఈ విధంగా అతను కరోనా వ్యాపిస్తున్నారు అనే అర్థంలో వ్యాఖ్యానిస్తూ ప్రచారం చేస్తున్నారు .

నిజం : ఆ వీడియో పాతది . కరోనా ఆంక్షలు లేని కాలంలోనిది . బొంబాయి లోని ఓ ఖైదీ వీడియో . అది times of India వాళ్ళు publish చేసిన వీడియో . పోలీసుల మీద కరోనాను ఇలా వ్యాపిస్తున్నారు అని రెచ్చగొట్టే వ్యాఖ్యానాన్ని జోడిస్తూ ప్రచారం చేస్తున్నారు . ఇది fake video దీనికి కరోనా వ్యాప్తికి సంబంధం లేదు .

----------------------------------------------------------------------------------------------------------------------

వీడియో 4 : అట్లానే ఇంకో పాత వీడియోలో వారి ప్రార్థనలలో సమిష్టిగా, బలంగా శ్వాసను తుమ్ము లా వదిలె వీడియోని తీసుకుని కరోనాకు లింక్ ఇస్తున్న వ్యాఖ్యానంతో ప్రచారం చేస్తున్నారు .

నిజం : ఇది పాకిస్తాన్ కు సంబంధించిన పాత వీడియో . అలా శ్వాస వదులుతూ, తల ఊపడం అనేది వారి సంప్రదాయంలో భాగంగా సూఫీ లోని జికర్ అనే ఆచారం . ఇది India today లో కూడా పబ్లిష్ అయింది . అది ఓ ఓ పాత వీడియో. ఇది fake video దీనికి కరోనా వ్యాప్తికి సంబంధం లేదు .

----------------------------------------------------------------------------------------------------------------------

వీడియో 5 : ముస్లిం లాగా వున్న ఒకతను పాప కార్న్ లాంటి ఫూడ్ ప్యాకెట్ లో , నోటితో గాలి ఊదుతూ ఉంటాడు . దీన్ని కూడా కరోనా వ్యాపిస్తున్న ముస్లిములు అనే వ్యాఖ్యానంతో ప్రచారం చేస్తున్నారు .

నిజం : ఇది కూడా ఓ పాత వీడియో . మలేషియా దేశంలో 1st May -2019 న రిలీజ్ అయిన వీడియో . నెట్ లో అప్పటినుండి వుంది . ఇది fake video దీనికి కరోనా వ్యాప్తికి సంబంధం లేదు .

-------------------------------------------------------------------------------------

ఇంకా ఇట్లాంటివి ఇంకొన్ని వీడియోలు సర్క్యులేటు అవుతున్నాయి. ఈ కష్ట కాలంలో మనం సోదర నమ్మకాన్ని , పరస్పర విశ్వాశాన్ని పోగొట్టుకోవద్దు . సత్యం కోసం ఓపిక పడదాం.